Мініяцюрны савецкі сцяг, які ў 1969 годзе пабываў на Месяцы падчас місіі «Апалон-11», быў прададзены на аўкцыёне Sotheby's за 80 тысяч даляраў.
Чырвонае палотнішча памерам 10 на 15 сантыметраў узяў з сабой у гістарычны палёт амерыканскі астранаўт Баз Олдрын. Менавіта ён разам з Нілам Армстрангам удзельнічаў у першай у гісторыі высадцы чалавека на Месяц.
Падчас таргоў сцяг быў прададзены за 80 тысяч даляраў. З улікам аўкцыённага збору канчатковая сума пакупкі склала 102,4 тысячы долараў.
У правым верхнім куце сцяга сіняй ручкай зроблены надпіс: «Дастаўлены на Месяц на «Апалоне-11», побач знаходзіцца асабісты подпіс База Олдрына. Да лота таксама прыкладалася гарантыйнае пісьмо ад астранаўта, у якім ён пацвердзіў, што сцяг сапраўды знаходзіўся на борце каманднага модуля «Калумбія» падчас першай месяцовай экспедыцыі.
Па словах прадстаўнікоў аўкцыённага дома Sotheby's, Олдрын узяў з сабой савецкі сцяг як сімвалічны жэст добрай волі. Такім чынам ён хацеў падкрэсліць, што першая высадка чалавека на Месяц была дасягненнем не толькі Злучаных Штатаў, але і ўсяго чалавецтва, незалежна ад палітычных і ідэалагічных супярэчнасцяў паміж дзяржавамі.
NASA шукае добраахвотнікаў для праграмы тэсціравання жыцця на Месяцы і Марсе
НАСА назвала імёны членаў экіпажа місіі «Артэміда-3» — чарговага этапу на шляху да высадкі на Месяц
Ракета Blue Origin, што выбухнула падчас выпрабаванняў, ставіць пад сумненне планы НАСА вярнуцца на Месяц
Ракета Blue Origin мільярдэра Джэфа Безаса выбухнула на старце
Мінскія ўлады расказалі, як будуць змагацца з «акіянам аўтамабіляў» у дварах2
Каментары