Прыпыняючы санкцыі ў дачыненні да беларускіх чыноўнікаў і шэрагу прадпрыемстваў, Еўрасаюз кажа, што гатовы пачаць будаваць адносіны з Беларуссю з чыстага ліста. Пра гэта заявіў пасол Германіі ў Беларусі Петэр Дэтмар 18 лістапада падчас канферэнцыі «Выхад на новыя рынкі», якая праходзіць у Мінску ў межах Сусветнага тыдня прадпрымальніцтва.
Дыпламат лічыць, што эканамічныя праблемы Беларусі апошніх гадоў у большай ступені звязаныя з прынятымі ў краіне палітычнымі рашэннямі, чым з дзеяннем еўрапейскіх санкцый. «Прыпыненне санкцый ЕС — гэта адказ на тое, што адбывалася ў вашай краіне апошнім часам. І гэтым жэстам мы запрашаем вас пачаць адносіны з нуля, з чыстага ліста. Спадзяюся, мы здолеем пабудаваць паўнацэнны дыялог», — заявіў пасол.
Паводле яго слоў, прыпыненне санкцый з'яўляецца яўным сігналам Еўрасаюза аб тым, што ён «гатовы заплюшчыць вочы на падзеі ў Беларусі папярэдніх гадоў і гатовы надаваць увагу таму, што магчымае ў будучыні».
У сваю чаргу пасол Вялікабрытаніі Брус Бакнэл удакладніў, што ЕС уводзіў санкцыі не супраць Беларусі як дзяржавы, а супраць пэўных людзей. «Прыпыненне санкцый прывяло да таго, што палітычныя рызыкі пры інвеставанні ў Беларусь і вядзенні тут бізнесу знізіліся. Але санкцыі ў дачыненні да Беларусі не з'яўляліся вялікай перашкодай для развіцця бізнесу, яны не параўнальныя з тымі санкцыямі, якія ўведзеныя да Расійскай Федэрацыі», — адзначыў дыпламат, падкрэсліўшы, што мае на ўвазе і санкцыі супраць расійскіх банкаў.
29 кастрычніка Еўрасаюз на чатыры месяцы прыпыніў дзеянне санкцый у дачыненні да Беларусі. «Савет прыпыніў на чатыры месяцы замарожванне актываў і візавыя абмежаванні для 170 фізічных асоб, а таксама замарожванне актываў для трох прадпрыемстваў Беларусі, — гаварылася ў паведамленні прэс-службы Савета ЕС. — Гэтае рашэнне было прынятае ў адказ на вызваленне 22 жніўня ўсіх беларускіх палітзняволеных і ў кантэксце паляпшэння адносін паміж ЕС і Беларуссю». Пры гэтым чатыры чалавекі, «якія маюць дачыненне да не расследаваных знікненняў у Беларусі», застаюцца пад санкцыямі. Гэта Уладзімір Навумаў, Віктар Шэйман, Дзмітрый Паўлічэнка і Юрый Сівакоў.
Цяпер чытаюць
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?9
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары