21 дзеяч апазіцыйнага руху «Салідарнасць» 80-х гадоў з Падляшша адзначаны ордэнамі «Свабоды і Салідарнасці». Урачыстасць прайшла ў Беластоцкім аддзяленні Інстытуту нацыянальнай памяці ў Беластоку.
Сярод адзначаных быў таксама беларускі прафесар Алег Латышонак: «Для мяне важна не толькі тое, што атрымаў «Крыж», а і тое, што сустрэў столькі людзей, з якімі калісьці дзейнічаў, з якімі сядзеў у турме. Таму гэта яшчэ і свята сустрэч, успамінаў. Нялёгка было. Цяпер, праз туман часу, інакш гэта бачыцца».
Прафесар Алег Латышонак з 1981 года быў чальцом «Салідарнасці», а пасля ўвядзення ваеннага становішча дзейнічаў у падполлі, за што быў арыштаваны і асуджаны камуністычным рэжымам на зняволенне.
Цяпер чытаюць
Радзільныя дамы спаборнічаюць, у каго 3 ліпеня народзіцца больш дзяцей12
Каментары