Паветрана-касмічныя сілы Расіі заяўляюць, што прачытаць інфармацыю з бартавога самапісца збітага ў раёне турэцка-сірыйскай мяжы «Су-24М» пакуль немагчыма з-за ўнутраных пашкоджанняў.
Як паведаміў намеснік начальніка службы бяспекі палётаў авіяцыі Узброеных сіл Расіі Сяргей Байнэтаў, знішчаныя 13 з 16 мікрасхем «чорнай скрыні», а астатнія пашкоджаныя.
Па словах Байнэтава, камісія па расследаванні здарэнняў прапрацоўвае пытанне аб прыцягненні спецыялізаваных навукова-даследчых устаноў, якія маюць магчымасць счытваць інфармацыю непасрэдна з крышталя мікрасхем.
«Для выканання гэтай працы, на жаль, спатрэбіцца дастаткова працяглы час. Будзе зроблена ўсё магчымае для яе паспяховага выканання. Аб выніках расследавання мы будзем вас рэгулярна інфармаваць», — сказаў Сяргей Байнэтаў.
У пятніцу намеснік галоўнакамандуючага Паветрана-касмічных сіл Расіі Сяргей Дронаў паведаміў, што назапашвальнік інфармацыі збітага турэцкімі ВПС расійскага бамбавіка мае пашкоджанні, спісанне зарэгістраванай палётнай інфармацыі будзе праводзіцца з выкарыстаннем спецыяльнай апаратуры. Чакалася, што вынікі расшыфроўкі будуць прэзентаваныя 21 снежня.
У расследаванні гібелі бамбавіка Су-24М, збітага знішчальнікам ВПС Турцыі 24 лістапада, раней пагадзіліся ўдзельнічаць спецыялісты з Кітая і Брытаніі.
Галоўная мэта — пацвердзіць або абвергнуць сцвярджэнні Мінабароны РФ, што самалёт не парушаў паветраную прастору Турцыі.
Усе беларускія банкі пачнуць сачыць за месцазнаходжаннем кліентаў? Альфа-банк ужо папярэдзіў, адмовіцца немагчыма16
Усе беларускія банкі пачнуць сачыць за месцазнаходжаннем кліентаў? Альфа-банк ужо папярэдзіў, адмовіцца немагчыма
Каля Сафіі ў Полацку паставілі помнік лётчыкам Нічыпарчыку і Куканенку. Але нават не самалёт той мадэлі, на якой яны загінулі, а аэраплан сталінскага часу2020
Каментары