Сакратар Рады нацыянальнай бяспекі і абароны (РНБА) Украіны Аляксандр Турчынаў прапанаваў разгледзець пытанне аб пераводзе святочнага царкоўнага календара з юліянскага на грыгарыянскі. Пра гэта ён напісаў на сваім асабістым сайце.
«Можа, ужо прыйшоў час і Украіне перайсці на святкаванне Раства 25 снежня разам з большасцю цывілізаваных краін? Але вырашаць гэта павінна, у першую чаргу, Рада хрысціянскіх цэркваў Украіны», — гаворыцца ў паведамленні. У пераходны перыяд Турчынаў прапанаваў «пакінуць святкаванне і 25 снежня, і 7 студзеня».
Ён адзначае, што ў Бібліі не ўказаная дата нараджэння Ісуса Хрыста, а рашэнне святкаваць Каляды 25 снежня, пасля зімовага сонцастаяння, калі пачынае павялічвацца працягласць светлавога дня, было прынята на Сусветным саборы ў Эфесе ў 431 годзе нашай эры.
Паводле грыгарыянскага календара святкуюць Каляды і іншыя царкоўныя святы Рымска-каталіцкая царква, пратэстанцкія дэнамінацыі і 9 з 14 праваслаўных цэркваў.
Паводле юліянскага календара адзначаюць святы Іерусалімская, Руская (разам з ёй у Беларусі), Сербская, Грузінская і Польская праваслаўныя цэрквы.
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам25
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2424
Каментары