У Лондане сапсавалася сістэма кантролю: увесь грамадскі транспарт у суботу працуе бясплатна
Тысячы пасажыраў лонданскай падземкі, аўтобусаў і прыгарадных цягнікоў у суботу не плацяць за праезд праз збой у сістэме аплаты паездак па магнітных транспартных картах Oyster, піша Telegraph.
Работнікам станцый метро і прыгарадных цягнікоў прыйшлося адкрыць турнікеты, бо сапсаваліся счытвальныя прылады для смарт-карт Oyster, якія павінны фіксаваць пачатак і канец паездкі.
У лонданскіх аўтобусах турнікеты таксама не дзейнічаюць.
Збой, які, імаверна, абыдзецца транспартнай сістэме Лондана ў дзесяткі тысяч фунтаў неатрыманай выручкі, адбыўся на наступны дзень пасля чарговага павышэння тарыфаў на праезд.
Адміністрацыя транспартнай сістэмы сцвярджае, што прычына ў «тэхнічнай няспраўнасці».
Каментары