Аршанскага чыноўніка, летась асуджанага за карупцыю, зноў заўважылі побач з кіраўнікамі
Аршанскія СМІ апублікавалі фотасправаздачу з наведвання міністрам сельскай гаспадаркі і харчавання Анатолем Ліневічам некаторых калгасаў Аршанскага раёна. На адным са здымкаў пазналі чыноўніка, якога толькі летась асудзілі за карупцыю, піша тэлеграм-канал «Витебск, я гуляю!»
Злева ад Ліневіча стаіць Андрэй Канстанцінаў, якога выдаюць жоўтыя акуляры. Яшчэ летась ён быў намеснікам старшыні Аршанскага райвыканкама, узначальваючы ў ім упраўленне па сельскай гаспадаркі.
У мінулым годзе Канстанцінава судзілі паводле карупцыйнага артыкула — тады яму далі 4 гады ўмоўна. Пры гэтым санкцыя гэтага артыкула звычайна прадугледжвае і забарону займаць кіраўнічыя пасады.
Але вось праз год ён з'яўляецца на фота разам з Ліневічам і цяперашнім начальнікам упраўлення па сельскай гаспадарцы Аршанскага райвыканкама.
Высветлілася, што экс-чыноўнік цяпер з'яўляецца памочнікам кіраўніка сялянскай фермерскай гаспадаркі «СТАРТ ТС».
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў22
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1313
Каментары