Легендарны амерыканскі рок-музыкант атрымаў падзяку паліцыі за тое, што дапамог жанчыне, якая апынулася ў бядзе, калі яна знаходзілася на краі моста ў Нэшвіле (Тэнэсі) у аўторак вечарам.
Паліцэйскае ўпраўленне Нэшвіла апублікавала відэазапіс, на якім фронтмэн Bon Jovi і яго каманда былі на пешаходным мосце, калі жанчына стаяла за парэнчамі ў небяспечнай блізкасці ад ракі Камберленд, піша Бі-бі-сі.
Па словах паліцыі, 62-гадовы Бон Джові і іншыя людзі пагаварылі з жанчынай і дапамаглі ёй вярнуцца на мост.
Мяркуючы па асобных кадрах, апублікаваных у сацыяльных сетках, Бон Джові знаходзіўся ў Нэшвіле на здымках музычнага кліпа на мосце. На відэа, апублікаваным паліцыяй, відаць, як жанчына ў сінім трымаецца за парэнчы, стоячы на выступе.
Міма яе праходзяць іншыя людзі, а крыху далей па мосце каманда Bon Jovi, падобна, ставіла абсталяванне для здымак.
Бон Джові падышоў да жанчыны з кімсьці іншым, пакуль яго каманда стаяла далей.
Затым відаць, як спявак вітальна махае ёй рукой і абапіраецца на парэнчы побач з ёй.
Прыкладна праз хвіліну Бон Джові з дапамогай іншай жанчыны ўдваіх выцягнулі яе назад на пешаходную дарожку на мосце. Пасля таго як жанчына аказалася ў бяспецы, да яе падышлі іншыя людзі, і Бон Джові абняў яе.
Праз некалькі хвілін на кадрах паліцыі бачна, як Бон Джові пакідае мост разам з ёй.
У суправаджальным роліку, апублікаваным у сацыяльных сетках, паліцыя Нэшвіла паведаміла: «Выказваем падзяку Джону Бон Джові і яго камандзе за дапамогу жанчыне на пешаходным мосце Сейгенталер у аўторак вечарам.
Бон Джові дапамог пераканаць яе спусціцца з уступа над ракой Камберленд у бяспечнае месца».
«Паглядзіце, што нарабілі мужчыны». Марына Ментусава — пра жанчын, што выратуюць свет, працу ў Расіі, асабістае жыццё і «Обычное утро»31
«Паглядзіце, што нарабілі мужчыны». Марына Ментусава — пра жанчын, што выратуюць свет, працу ў Расіі, асабістае жыццё і «Обычное утро»
«Тое, што хтосьці сядзіць за палітыку, з'яўляецца часткай пейзажу». Беларуска, якая наведала радзіму пасля доўгага перапынку, падзялілася ўражаннямі1010
Каментары