Прычым падпалілі цыгарэтамі.
У Наябрску (Ямала-Нянецкая акруга) двое школьнікаў спалілі верталёт. За гэта ім паабяцалі 5 мільёнаў расійскіх рублёў (55 тысяч даляраў), піша «База».
У ноч на 11 верасня двое хлопцаў ва ўзросце 13 і 14 гадоў прабраліся на тэрыторыю верталётнай пляцоўкі ў аэрапорце, пасля чаго аблілі верталёт Мі-8, які стаяў там (на фота той самы верталёт) гаручай вадкасцю і падпалілі.
Хлопцы збеглі з месца злачынства, аднак менш чым праз гадзіну іх удалося затрымаць. Школьнікі падпалілі верталёт цыгарэтамі. Пасля таго як яны аблілі верталёт вадкасцю, хлопцы вырашылі папаліць і, затым, кінулі цыгарэту ў верталёт. Пажару не адбылося.
Тады адзін з хлопцаў закурыў другую цыгарэту і пасля гэтага ўваткнуў яе ў вадкасць. У гэты момант адбыўся выбух.
У выніку хлопцам моцна абпаліла твар, таму, калі яны адбеглі трохі ад аэрапорта, давялося выклікаць хуткую. Медыкі даставілі падпальшчыкаў у бальніцу. Верталёт згарэў амаль цалкам — ад яго застаўся толькі хвост.
Падчас размовы з супрацоўнікамі праваахоўных органаў, школьнікі распавялі, што за працу ім паабяцалі 5 мільёнаў расійскіх рублёў. Таксама хлопцы прызналіся, што некалькі дзён таму яны падпалілі вышку сотавай сувязі. За гэта яны атрымалі 30 тысяч рублёў (330 даляраў).
Цяпер чытаюць
Мінскі медык пайшоў ваяваць за Расію, праз месяц атрымаў цяжкае раненне, а цяпер выбівае выплаты, седзячы ў інвалідным вазку27
Мінскі медык пайшоў ваяваць за Расію, праз месяц атрымаў цяжкае раненне, а цяпер выбівае выплаты, седзячы ў інвалідным вазку
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1414
Каментары