Еўракамісія мае намер узяць пад кантроль сітуацыю ў Польшчы вакол прынятага закона аб СМІ.
Пра гэта ў інтэрв'ю Frankfurter Allgemeine Sonntagszeitung заявіў еўракамісар па лічбавай эканоміцы і грамадству Гюнтэр Этынгер.
«Ёсць шмат аргументаў на карысць таго, каб задзейнічаць прававы механізм ЕС і паставіць Варшаву пад назіранне», — заявіў ён.
Па словах Этынгера, Еўракамісія разгледзіць гэтае пытанне на сваім бліжэйшым пасяджэнні 13 студзеня.
Нагадаем, 1 студзеня была прынята новая рэдакцыя закона, які рэгулюе дзейнасць дзяржаўных СМІ.
Так, прынятыя папраўкі да закона, прапанаваныя дэпутатамі кіруючай партыі «Права і справядлівасьць», прадугледжваюць сярод іншага датэрміновае сканчэнне паўнамоцтваў членаў праўлення і назіральнага савета Польскага тэлебачання і Польскага радыё.
Законам прадугледжваецца, што членаў праўлення і назіральнай рады дзяржаўных СМІ будзе зацвярджаць міністр дзяржказны.
Такім чынам, закон адмяняе магчымасць правядзення конкурсаў на гэтыя пасады. Акрамя таго, зменамі ў закон прадугледжваецца скарачэнне колькасці членаў праўлення і назіральнага савета дзяржаўных медыя.
З крытыкай новага закона выступілі АБСЕ, Еўрапейскі вяшчальны саюз і Асацыяцыя журналістаў.
2 студзеня стала вядома аб адстаўцы кіраўнікоў некалькіх польскіх тэлеканалаў у знак пратэсту супраць узмацнення кантролю над дзяржаўнымі СМІ.
Каментары