Свет99

У Іране афіцыйна прызналі, што падчас задушэння пратэстаў загінулі тысячы людзей

Вярхоўны лідар Ірана аятала Алі Хаменеі ўпершыню публічна прызнаў, што падчас масавых пратэстаў у краіне загінулі тысячы людзей. Пры гэтым ён усклаў адказнасць за падзеі на ЗША і Ізраіль, абвінаваціўшы іх у падбухторванні народных выступленняў, асобна згадаўшы прэзідэнта ЗША Дональда Трампа, піша Reuters.

Алі Хаменеі. Фота: Office of the Iranian Supreme Leader via AP, File

Па словах Хаменеі, замежныя сілы нібыта нанеслі Ірану вялікую шкоду і сталі прычынай гібелі некалькіх тысяч чалавек.

У адказ Дональд Трамп у інтэрв’ю Politico заявіў, што лічыць цяперашні момант прыдатным для пошуку новага кіраўніцтва для Ірана. Ён абвінаваціў Хаменеі ў тым, што той трымае ўладу выключна праз рэпрэсіі і гвалт, а таксама назваў яго вінаватым у разбурэнні краіны.

Трамп падкрэсліў, што сапраўднае лідарства павінна грунтавацца на павазе, а не на страху і смерці, і ахарактарызаваў Іран як адну з найгоршых краін для жыцця з-за дрэннага кіравання.

У пачатку студзеня пратэсты ў Іране, якія пачаліся 28 снежня 2025 года, дасягнулі найбольшага маштабу: масавыя выступленні ахапілі амаль усе правінцыі, мільёны людзей выйшлі на вуліцы з патрабаваннямі звяржэння рэжыму. Найбольш жорсткія сутыкненні адбыліся з 8 па 12 студзеня, калі сілы бяспекі, паводле розных ацэнак, забілі ад некалькіх тысяч да дзясяткаў тысяч чалавек.

Пасля хвалі рэпрэсій актыўнасць пратэстаў значна знізілася: у гарадах з’явіліся ўзброеныя патрулі, а інфармацыя з краіны амаль перастала паступаць. На фоне гэтых падзей ЗША разглядалі магчымасць ваеннага ўдару па Іране, аднак пазней Трамп адмовіўся ад такога кроку, заявіўшы, што атрымаў запэўненні аб спыненні масавых забойстваў.

Каментары9

  • а сам на трэцці тэрмін сабраўся
    17.01.2026
    "Трамп падкрэсліў, што сапраўднае лідарства павінна грунтавацца на павазе, а не на страху і смерці"
    Калі б сам пасядзеў ва ўладзе столькі, колькі дыктатары сядзяць, то было б тое самае, што і ў іх.
  • Няма розьніцы, акрамя маштабу
    17.01.2026
    а сам на трэцці тэрмін сабраўся, І ўсё ж агенты Трампа забілі бяззбройную амэрыканскую грамадзянку, а ён абараніў іх і назваў ёй тэрарысткаю. Такія ж паводзіны, як і ў іранцаў, але ў меншых маштабах. Але вялікі ён ці малы, грэх ёсьць грэх.
  • Filipp
    17.01.2026
    "Пры гэтым ён усклаў адказнасць за падзеі на ЗША і Ізраіль, абвінаваціўшы іх у падбухторванні народных выступленняў"©
    Добра, што хоць не абвінаваціў свой народ, бо ён "не той".

Цяпер чытаюць

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Усе навіны →
Усе навіны

«Цяпер я здаю 41 кватэру ў Мінску і хачу вырасці да 100 кватэр». Беларус расказаў пра бізнэс на кароткатэрміновай арэндзе жылля31

У Пятрухіна на стрыме выбілі з рук тэлефон. Блогер абрынуўся на беларусаў Уроцлава37

Самы доўгі тралейбусны маршрут Мінска збіраюцца зрабіць яшчэ даўжэйшым

У мінскім метро расказалі, колькі часу займае паездка ад першай да апошняй станцыі

Кіраўнік МЗС Літвы пракаментаваў магчымасць змякчэння санкцый супраць Беларусі і яе ролю ў мірных перамовах6

Гіганцкі фантан працаваў сёння раніцай у Мінску

Памерла Ганна Садоўская — дзяячка польскай супольнасці ў Ваўкавыску1

«Лік ідзе на хвіліны, а сваякі павінны бегаць па вуліцы і шукаць мужчын». Ці павінна хуткая дапамога выносіць пацыента з кватэры?13

«Пад канвоем вывезлі нас з мяжы». Расійская блогерка расказала пра затрыманне мужа на беларускай мяжы праз падпіску5

больш чытаных навін
больш лайканых навін

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць