У ЗША ва ўзросце 73 гадоў памёр Рэнэ Анжэліл, муж і менеджар канадскай спявачкі Селін Дыён.
Анжэліл памёр «у сваім доме ў Лас-Вегасе пасля доўгай і мужнай барацьбы з ракам».
Спявачка спыняла канцэртную дзейнасць для догляду за мужам, які пакутаваў ад раку горла.
Упершыню рак горла Анжэлілу дыягнаставалі ў 1998 годзе, аднак пасля аперацыі ён паведаміў аб выздараўленні. У 2013 годзе яму была зробленая яшчэ адна аперацыя, пасля таго як дактары зноў выявілі пухліну.
Анжэлілі і Селін Дыён пажаніліся ў 1994 годзе, у пары трое дзяцей: старэйшаму сыну 14 гадоў, а хлопчыкі-блізняты нарадзіліся восенню 2010 года.
Рэнэ Анжэліл стаў менеджарам Селін Дыён па просьбе яе сям'і, калі Дыён было 12 гадоў. Яе брат паслаў запіс «Ce n'était qu'un rêve» («Гэта быў толькі сон») музычнаму менеджару, чыё імя ён выявіў на адваротным баку альбома Жанет Рэно.
У 1981 Анжэліл заклаў свой дом, каб прафінансаваць першы запіс спявачкі.
Каментары