Давыдзька, Дзермант і Якубовіч накінуліся на збітага Дабравольскага
Старшыня Белтэлерадыёкампаніі Генадзь Давыдзька выказаўся наконт збіцця журналіста Паўла Дабравольскага ў будынку суда.
Тэма, узнятая ў праграме «Галоўны эфір» на «Беларусь-1», называлася «Асцярожна, правакацыя!».
Генадзь Давыдзька, рэдактар «Савецкай Беларусіі» Павел Якубовіч і кіраўнік БелТА Дзмітрый Жук фактычна сталі на бок міліцыянтаў. Толькі рэдактарка «Комсомольской правды» Галіна Малішэўская даводзіла, што журналіста збіваць нельга.
«Тут падрапанае сцягно, — паказаў Давыдзька фотаздымак збітага Дабравольскага. – І дае інтэрв’ю, што 20 хвілін прафесійныя амонаўцы збівалі… За 20 хвілін гэтая драпіна? Недзе ўжо хлусня прысутнічае. За маленькай хлуснёй заўсёды хаваецца вялікая хлусня».
Давыдзька параўнаў сітуацыю з перадумовамі Майдану: «Мне гэта нагадала Украіну. Калі міліцыя разагнала студэнтаў, а на наступны дзень узняўся агромністы шум: «Яны ж дзеці!» Гэта была правакацыя. У дадзеным выпадку гэта таксама вельмі падобна да правакацыі».
Госць студыі Аляксей Дзермант расказаў, што азнаёміўся з біяграфіяй Дабравольскага. Маўляў, той працаваў ва ўкраінскім СМІ «Новое время» (насамрэч быў на стажыроўцы). У сувязі з гэтым Дзермант абурыўся тым фактам, што такі чалавек, як Павел Дабравольскі, увогуле працуе на партале Tut.by. «Узнікае пытанне да кадравай палітыкі, — заўважыў Дзермант. – Гэта не проста выпадковасць — гэта лінія кіраўніцтва».
Павел Якубовіч заявіў пра непрафесіяналізм Дабравольскага: «Ён падставіў рэдакцыю, ён кінуў цень на карпарацыю. Калі ўсе будуць браць прыклад з такіх людзей, а не нармальных журналістаў – з «Камсамольскай праўды», БелТА, тэлебачання, «Нашай Нівы», «Народнай волі», якія вырашаюць пытанні ў адпаведнасці з законам… Гэта чалавек паставіў сябе па-за законам. Ці можа чалавек заплываць за буйкі толькі таму, што ён журналіст?»
Цяпер чытаюць
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5454
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам54
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі4747
Каментары