Брытанскім навукоўцам дазволілі генную мадыфікацыю чалавечых эмбрыёнаў
Упраўленне па апладненні і эмбрыялогіі чалавека Вялікабрытаніі дазволіла навукоўцам з лонданскага Інстытута Фрэнсіса Крыка генетычна мадыфікаваць чалавечыя эмбрыёны.
Асноўная мэта даследавання пад кіраўніцтвам доктара Кэці Ніакан — зразумець, якія гены патрэбныя эмбрыёнам для паспяховага развіцця. Навукоўцы вывучаць першыя сем дзён жыцця яйцаклеткі пасля апладнення — за гэты час яна дзеліцца ад адной клеткі да каля 250. У гэты перыяд клеткі ўжо арганізуюцца для выканання пэўных функцый. А ад генаў залежыць, будзе жыць клетка ці не.
Мяркуецца, што атрыманыя дадзеныя дапамогуць, у прыватнасці, палепшыць працэс развіцця эмбрыёна пры экстракарпаральным апладненні. Гэтая праца таксама дапаможа ў лячэнні бясплоддзя і папярэджанні выкідышаў і розных паталогій у дзяцей.
У даследаванні будуць выкарыстаныя толькі аддадзеныя для гэтых мэтаў эмбрыёны. Навукоўцы не змогуць перасадзіць эмбрыёны, якія ўдзельнічалі ў доследах, жанчынам.
Міжнародны кансорцыум па ствалавых клетках, этыцы і праве Hinxton Group ў верасні мінулага года выпусціў заяву, у якой заклікаў дазволіць генетычную мадыфікацыю эмбрыёнаў чалавека. У Еўропе падобныя практыкі забароненыя.
А ў красавіку мінулага года міжнародная група навукоўцаў заклікала кітайскіх калег спыніць эксперыменты з генетычным змяненнем эмбрыёнаў з-за нечакана вялікай колькасці непажаданых мутацый, якія ўзніклі ў працэсе даследавання.
Цяпер чытаюць
Місію дэмакратычных сілаў Беларусі ва Украіне ўзначаліла Вольга Зазулінская1
Місію дэмакратычных сілаў Беларусі ва Украіне ўзначаліла Вольга Зазулінская
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА66
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА6
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары