Памочнік прэзідэнта: Трэба або павышаць пенсійны ўзрост, або змяншаць сярэдні заробак
Памочнік прэзідэнта — галоўны інспектар па Мінску Аляксандр Якабсон лічыць, што ў краіне «сама сітуацыя выспявае для павышэння пенсійнага ўзросту».
Пра гэта ён заявіў 10 лютага на пленарным пасяджэнні I Форуму працоўнай моладзі.
Па словах Якабсона, у краіне павялічваецца сярэдняя працягласць жыцця, змяняюцца суадносіны працуючых і непрацуючых. «На аднаго работніка сёння становіцца больш непрацуючых»,— заўважыў Аляксандр Якабсон.
У гэтай сітуацыі ў Беларусі два шляхі: «Каб утрымліваць большую колькасць пенсіянераў за кошт існуючых рамак пенсійнага фонду, неабходна або паменшыць сярэднюю зарплату з тым, каб у пенсійным фондзе былі адпаведныя адлічэнні, або павялічыць пенсійны ўзрост».
Аляксандр Якабсон выказаў здагадку, што павелічэнне пенсійнага ўзросту ў Беларусі пройдзе ў некалькі этапаў
«Гэта не будзе адначасова - 60 і 65 гадоў. Будзе этапнасць. Але грамадства павінна даць згоду. Аб'ектыўна глеба для гэтага саспела», - заявіў ён.
Якабсон таксама звярнуў увагу на тое, што сёння ў свеце застаюцца толькі адзінкі краін, у якіх пенсійны ўзрост такі ж нізкі, як і ў Беларусі.
Цяпер чытаюць
У Тайландзе знікла анліфаншчыца з Пінска. Яе маглі прадаць у М'янму3
Каментары