50-гадовая мінчанка стала ахвярай рамантычнага знаёмства ў сацыяльных сетках і страціла 40 тысяч даляраў.
Як паведамілі ў Цэнтральным РУУС Мінска, жанчына пазнаёмілася ў сацсетках з замежнікам. Мужчына распавёў, што жыве ў Вялікабрытаніі, мае ва ўласнасці нерухомасць і вялікі рахунак у банку. Часта ходзіць у плаванне. Вельмі адзінокі і яму патрэбная спадарожніца жыцця, якая заўсёды чакала б яго на беразе. Сеткавыя адносіны развіваліся імкліва, і неўзабаве мужчына пачаў запэўніваць жанчыну, што праз некалькі месяцаў, пасля таго як ён вернецца з чарговага рэйса, яны пажэняцца.
Пазней мужчына напісаў, што ў сховішчы знаходзіцца яго маёмасць, за якую трэба аплаціць страхоўку, што сам зрабіць гэта не можа, бо на бераг ён у бліжэйшы час не сыдзе. Будучы «муж» папрасіў жанчыну перавесці на рахунак грошы для аплаты, што тая і зрабіла, каб дапамагчы яму. Пазней мужчына паведаміў, што выслаў сваёй выратавальніцы бандэроль з буйной сумай.
Аднак праз некаторы час ёй патэлефанавала дзяўчына, якая назвалася супрацоўніцай мытні, і сказала, што ў пасылцы выяўлена 45 тысяч даляраў, у сувязі з чым бандэроль арыштаваная і трэба заплаціць штраф. І зноў пацярпелая пералічыла грошы, аднак пасылку з грашыма ад каханага так і не атрымала. Высветлілася, што гэта быў падман. У агульнай колькасці жанчына заплаціла больш як 40 тысяч даляраў. Гэтыя грошы яна пазычыла ў знаёмых і ўзяла ў некалькіх банках крэдыт.
Цяпер чытаюць
«Я супрацоўніца КДБ, у вас будуць праблемы». Мінчанка хацела напісаць скаргу ў оптыцы, але супрацоўніца паказала корачку3
Каментары