
Супраць МУС вядзецца інфармацыйная вайна, заявіў міністр унутраных спраў Беларусі Ігар Шуневіч 1 сакавіка на прэс-канферэнцыі ў Мінску.
«Міліцыя не выглядае бездапаможнай. Проста некаторыя журналісты выстаўляюць яе ў такім святле», — падкрэсліў ён.
«Аднак ваяваць МУС ні з кім не будзе, мы выконвалі і будзем выконваць працу максімальна прафесійна. Калі парушэнне закона відавочна, то праваахоўнікі абавязаны рэагаваць.
Калі нас правакуюць, нам хамяць, мы будзем рэагаваць», — сказаў Шуневіч.
Ён таксама адзначыў, што кожны міністр павінен клапаціцца пра імідж свайго калектыву.
«Няма ў нас піяр-менеджара, можа, трэба будзе ўводзіць такую пасаду, калі не скончыцца гэтая інфармацыйная вайна», — цытуе міністра Tut.by.
Tut.by пацікавіўся ў міністра, чаму ніхто з прадстаўнікоў ведамства не стаў абмяркоўваць з журналістамі сітуацыю збітага супрацоўнікамі АМАПа ў Фрунзенскім судзе Паўла Дабравольскага.
«Хто лічыць, што наша ведамства закрытае? — пацікавіўся міністр у прысутных. — Бачыце, рукі паднялі два чалавекі з 45. Мы не закрытае міністэрства».
Па сітуацыі з Паўлам Дабравольскім міністр заявіў, што зараз міліцыя чакае вынікі праверкі. «Мы чакаем праверкі Следчага камітэта. Ведамства вынесе вердыкт, тое самае зробіць і Генпракуратура».
У Мінску паставяць помнік гарадавому, заявіў Шуневіч.
МУС некалькі змяніла стаўленне да несанкцыянаваных масавых акцый, прызнаў Шуневіч.
-
У Мінску адкрылі новую дыспетчарскую станцыю замест знесенай савецкай. Але будынка там няма — толькі бытоўка і біятуалет
-
У Беларусі за апошнія гады ліквідавалі 40 праваслаўных прыходаў
-
У Беларусі перастала працаваць сістэма анлайн-кантролю за рухам тавараў — ад шын да фенаў. Гэта не першы такі збой сёлета
Цяпер чытаюць
Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал
Каментары