У нядзелю ў Беларусі пахаладае. Цяпло вернецца толькі да сярэдзіны наступнага тыдня
Не паспелі беларусы пацешыцца прыходу вясны, як у нядзелю зноў пахаладае. Паўночныя вятры прынясуць невялікае і непрацяглае паніжэнне тэмпературы. Сіноптыкі абяцаюць, што ўжо ў сераду з Заходняй Еўропы пачне паступаць больш цёплае паветра і ўсталюецца камфортнае надвор'е. Пра гэта распавёў начальнік службы гідраметэаралагічных прагнозаў Рэспубліканскага гідраметцэнтра Дзмітрый Рабаў.
У суботу, 12 сакавіка, ноччу па паўночна-заходняй палове краіны, раніцай і днём на большай частцы тэрыторыі кароткачасовыя ападкі, у асноўным дождж, у паўночных раёнах рэспублікі магчымы мокры снег. Ноччу і раніцай у асобных раёнах слабы туман. Тэмпература паветра на працягу сутак 0 — + 6°С, днём у паўднёвых раёнах +7 + 9°С.
У Мінску ў суботу будзе воблачна з праясненнямі. Ноччу без істотных ападкаў, раніцай і днём кароткачасовы дождж. Ноччу і раніцай слабы туман. Вецер пераменных напрамкаў ноччу слабы, днём 4—9 м/с. Тэмпература ноччу +2 + 4°С, днём +4 + 6°С.
У нядзелю, 13 сакавіка, месцамі кароткачасовыя дажджы, мокры снег, туман, слабы галалёд. Ноччу і раніцай на асобных участках дарог галалёдзіца. Тэмпература ноччу -4 — + 2°С, днём 0 — + 5 ° С.
У Мінску ў нядзелю ўначы чакаецца мокры снег і дождж, днём без істотных ападкаў. Тэмпература ноччу 0 —2°С, днём +1 + 3°С.
У панядзелак, 14 сакавіка, у асобных раёнах краіны прагназуюць невялікі снег, мокры снег, туман, слабы галалёд. Ноччу і раніцай на асобных участках дарог галалёдзіца. Тэмпература ноччу 0 — -5°С, днём 0 — + 5°С.
Каментары