П'яны мінчук збіў двух замежнікаў ля станцыі метро «Трактарны завод»
Напярэдадні з сябрамі выпіў каля дзвюх пляшак гарэлкі. Раптам фігурант убачыў двух замежнікаў, падышоў да іх і, гучна лаючыся, без усялякай прычыны пачаў іх збіваць.
Аднаму маладому чалавеку ён нанёс не менш за 10 удараў рукамі па галаве і тулаве, пры гэтым пашкодзіў акуляры. Другога ўдарыў двойчы.
Жыхара сталіцы затрымалі, завялі крымінальную справу. Віну ён цалкам прызнаў, у зробленым раскаяўся, добраахвотна кампенсаваў нанесеную шкоду, пішуць Мінск-навіны.
Прысуд — год хатняй хіміі. Акрамя таго, абвінавачаны павінен выплаціць кожнаму з пацярпелых матэрыяльную кампенсацыю нанесенай маральнай шкоды ў памеры 1 тыс. і 5 тыс. рублёў адпаведна.
Каментары