Ваданосава: Вырашыць бюракратычную праблему, звязаную з аплатай страхоўкі маці, не ўдалося
Кацярына Ваданосава расказала, што ў яе мамы Нэлі пачалася агонія.
«Зараз у маёй мамы агонія. Ужо адмовілі ныркі. Канвульсіі. Я была з ёй столькі, колькі дазволілі. Мяне адправілі дадому. Там нельга быць уночы.
Зараз лік на гадзіны. Максімум, суткі. Сёння [у панядзелак] я шмат плакала, і дома таксама не змагла стрымацца.
Сказала нарэшце Яну [сыну], што нас чакае. Вельмі баялася, як ён гэта ўспрыме. Ён пакуль больш-менш трымаецца. З пераменным поспехам. Стэфа ад пачатку ў курсе. Яна трымаецца таксама. Васіль ў другой палове дня змяніў мяне на тэлефоне, вырашаў пытанні са страхоўкай.
Нічога не атрымалася. Гэта бюракратычная пастка. Будзем змагацца яшчэ, канешне. Постфактум. Postmortem. Дзякуй вялікі ўсім, хто дапамог.
Збор сабраны, але не закрыты. Я ўсё яшчэ не ведаю суму рахунка, які мне выставяць. Даведаюся, скажу», — напісала ўчора вечарам у фэйсбуку Кацярына.
23 снежня ў мамы Кацярыны ў Варшаве здарыўся інсульт. Дактары аператыўна прыехалі, адвезлі ў бальніцу, правялі аперацыю, аднак высветлілася, што Упраўленне па справах іншаземцаў не ўнесла пажылую жанчыну ў базу застрахаваных, а на вялікіх выходных спраўдзіць гэту акалічнасць было немагчыма.
Кацярына тады выказала засцярогу, што рахунак за аперацыю і іншыя медыцынскія маніпуляцыі можа скласці ад дзясяткаў да сотняў тысяч злотых.
Пасля таго, як Ваданосава напісала гэты пост, на сайце «Байсола» з'явілася інфармацыя пра дабрачынны збор на €15 000, які за двое з паловай сутак быў сабраны.
У нядзелю Кацярына пісала, што будзе займацца бюракратычнымі пытаннямі. «Таксама мушу выбіць лекарскае засведчанне, каб перадаць яго адвакатцы, якая паедзе спачатку ў суд, потым ва Ўжонд па справах уцекачоў (спадзяюся). Я ў гэты час, калі нас яшчэ не напаткае смерць, паеду ў Акно на Ўсход— арганізацыю, якая дапамагае эмігрантам. Паспрабую з іх дапамогай дамагчыся адказу на пытанне, чаму маці не вызначаная ў Петрамедыцы як застрахаваная асоба, і як гэта змяніць, бо па законе яна мусіць быць забяспечаная. Дзесьці на шляху бюракратычная машына забуксавала, што ў тым ліку прывяло да той кропкі, дзе мы зараз знаходзімся», — пісала яна.
Цяпер чытаюць
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку
Каментары
гэта Польшча, Дзетка.
не перадаць, як мне шкада Кацярыну і ейную маці
Кацярына, моцы Вам
PS/ самое грустное, что все расходы на содержания ( в том числе и оплата медицинской страховки)Просителя международной защиты от момента подачи Заявления до вступления в силу первого положительного решения о предоставлении какой-то Защиты НЕСЁТ ЕС, а местному Ужонду нужно только подсуетиться.