Заблакаваць кнопку ліфта на другім паверсе можна толькі са згоды ўсіх жыхароў паверха, паведаміў сёння міністр жыллёва-камунальнай гаспадаркі Аляксандр Церахаў падчас круглага стала «Плата за ЖКП: новыя тарыфы і падыходы».
«Заблакаваць кнопку ліфта другога паверху можна, калі ўсе згодныя на пляцоўцы. Тады кнопка блакуецца, і гэтыя грамадзяне вызваляюцца ад аплаты за карыстанне ліфтам», — растлумачыў міністр.
Пры гэтым Аляксандр Церахаў падкрэсліў, што плата за тэхабслугоўванне ліфта і ўборку пад'ездаў цяпер будзе вылічацца ў разліку на чалавека, а не ў залежнасці ад плошчы кватэры.
«Для людзей усё ж такі бліжэй прывязка не да метраў квадратных, а да чалавека. У ліфце ездзіць чалавек, карыстаецца месцам агульнага карыстання — чалавек, таму мы пачулі людзей, лічым, што гэта своечасовая рэакцыя», — канстатаваў ён.
Цяпер чытаюць
На свой дзень нараджэння Зяленскі з Наўроцкім, Наўседам і Ціханоўскай у Вільні ўшануе памяць Кастуся Каліноўскага5
Каментары