Дубовае крэсла, на якім брытанская пісьменніца Джоан Роўлінг напісала першыя два тамы «Гары Потэра», прададзена з аўкцыёну ў Нью-Ёрку за 394 тыс. даляраў.
Пакупнік не пажадаў раскрываць свайго імя.
Гэта крэсла, зробленае ў 1930-х гадах, дасталася пісьменніцы бясплатна: яно стаяла ў муніцыпальнай кватэры ў Эдынбургу, у якой яна жыла ў сярэдзіне 90-х гадоў.
Па словах Роўлінг, гэта крэсла было самым зручным з усіх у кватэры, аднак усё роўна далёкае ад ідэалаў камфартабельнасці.
«Мая настальгічная натура з сумам пазірае на тое, як яно ад мяне сплывае. Але мая спіна не сумуе», - пажартавала яна ў лісце, прыкладзеным да крэсла.
Пісьменніца яшчэ ў 2002 годзе ахвяравала крэсла дабрачыннай арганізацыі. У 2009 годзе прадмет мэблі быў набыты нейкім калекцыянерам за 29 тыс. даляраў.
Спевака з «Марафону адзінства» асудзілі за палітыку — прыгадалі каментары 2020-га. Бараніць у суд яго хадзілі сёстры Груздзевы16
Каментары