Акадэмія навук — Сурганава — Бангалор: пададзена заяўка на «Чарнобыльскі шлях»
Прадстаўнікі дэмакратычных сілаў падалі заяўку ў Мінскі гарвыканкам на правядзенне традыцыйнага «Чарнобыльскага шляху». Акцыя запланаваная на 26 красавіка, паведамляе прэс-служба руху «За свабоду».
Аргкамітэт прапануе Мінгарвыканкаму традыцыйны маршрут: збор удзельнікаў на пляцоўцы каля будынку Нацыянальнай акадэміі навук Беларусі (з 18.00 да 19.00), шэсце па праспекце Незалежнасці — вуліцах Сурганава і Арлоўскай (да 20.00), мітынг і ўскладанне кветак ля памятнага знаку «Ахвярам Чарнобыля». Час заканчэння мерапрыемства: 21:00
Арганізатары мяркуюць, што ў акцыі прымуць удзел 950 чалавек.
Заяўнікамі акцыі ў гэтым годзе сталі актывісты Руху «За Свабоду», Партыі БНФ, Партыі АГП, Беларускай партыі «Зялёныя», БСДП (Грамада), аргкамітэту па стварэнню Партыі БХД, Руху салідарнасці «Разам».
Традыцыйна акцыя «Чарнобыльскі Шлях» праводзіцца з мэтай прыцягнення грамадскай увагі да аварыі на Чарнобыльскай АЭС (у гэтым годзе 30-х угодкаў), «яе наступстваў, праблемаў развіцця атамнай энэргетыкі, экалогіі і якасці жыцця ў краіне», публічнай дэманстрацыі ўдзельнікамі сваіх грамадска-палітычных настрояў ды «пратэсту супраць пагрозаў нацыянальнай бяспецы Рэспублікі Беларусь».
Чалы: Чым даўжэй Лукашэнка марудзіць з выбарамі, тым больш аргументаў, каб яму не ісці15
Каментары