Пад Клімавічамі закрываецца адзіная ў краіне дзяржаўная страусіная ферма
У вёсцы Сабалёўка Клімавіцкага раёна будзе ліквідавана адзіная ў краіне дзяржаўная страусіная ферма.
Прадпрыемства існавала з 2006 года як філіял ААТ «Агракамбінат «Прыдняпроўскі».
«У 2013-м было 1100 страўсаў. Бо першапачаткова ранча задумвалася як племянное. Мы прадалі 180 птушанят, каля 1000 яек, больш за 13 тон мяса. Але ўжо ў мінулым годзе рэалізавалі ўсяго 49 галоў маладняку, 100 яек і мяса менш за 2,5 тоны», — расказвае дырэктар ранча Аляксандр Залаценка.
Старшыня Клімавіцкага райвыканкама Васіль Захаранка тлумачыць, што стратнае прадпрыемства будзе перапрафілявана, напрыклад, пад развядзенне бройлераў.
Пад птушкафабрыку давядзецца закупляць новае абсталяванне. Старыя інкубатары для страўсаў перапрадаць не ўдасца — а яны каштуюць больш за 1 мільён еўра.
* * *
Па дадзеных Міністэрства эканомікі, на пачатак 2016 года ў краіне налічвалася 846 страўсаў. Прыдняпроўская птушкафабрыка на Магілёўшчыне — самы буйны заводчык. Астатнія — на «Страўс-ранча» у Кобрынскім раёне і ў фермерскай гаспадарцы «Птушыны свет» у Слуцкім.
20‑гадовую дзяўчыну з аграгарадка Макраны на мяжы з Украінай асудзілі за Гаюна5
20‑гадовую дзяўчыну з аграгарадка Макраны на мяжы з Украінай асудзілі за Гаюна
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі1818
Каментары