Такім чынам наша зборная выйшла ў сусветную групу Кубка Федэрацыі.
16-17 красавіка ў Маскве праходзіў матч за права налета выступаць у васьмёрцы наймацнейшых каманд свету. Расейцы абралі для гульні грунтавае пакрыццё. Мабыць, як самае нязручнае для першай ракеткі Беларусі Вікторыі Азаранка.
Расіянкі не далічыліся сваіх лідараў – Святланы Кузняцовай, Анастасіі Паўлючэнкавай, Кацярыны Макаравай, Алены Веснінай. Не магла гуляць і Марыя Шарапава, якая дыскваліфікаваная за ўжыванне забароненага прэпарату.
У такіх умовах Расію прадстаўлялі не самыя моцныя спартсменкі, але ім ёсць што даказваць – Дар’я Касаткіна і Маргарыта Гаспаран.
У беларусак жа рэдкі выпадак, калі за зборную прыехала гуляць Вікторыя Азаранка. У дапамогу ёй – Аляксандра Сасновіч.
Першы дзень прынёс роўны лік – 1:1. Сасновіч у трох сэтах саступіла Касаткінай. А Азаранка аддала толькі 5 геймаў Гаспаран.
Нядзеля пачалася з цяжкой і вызначальнай сустрэчы Азаранкі і Касаткінай. Віка ўпэўнена ўзяла першы сэт 6:2, аднак саступіла ў другім 5:7. У трэцім нервы больш дасведчанай беларускі аказаліся больш крэпкімі – 6:3.
Варта адзначыць, што ў гэтай гульні ў Азаранкі адбыўся канфлікт з расійскімі заўзятарамі, якія заміналі беларусцы, а таксама выкрыквалі рознае ў яе бок. Азаранка не вытрымала і паказала непрыстойны жэст у адрас трыбун, а таксама вылаялася ў іх бок. Мабыць, Віка атрымае праз гэта нейкі штраф.
У такіх умовах сустрэча Аляксандры Сасновіч і Маргарыты Гаспаран станавілася вырашальнай. Расіянка без асаблівых цяжкасцяў расправілася з беларускай у першым сэце – 6:4. Потым Сасновіч усё ж змагла сабрацца і лёгка ўзяць другі сэт – 6:1. У трэцім завязалася ўпартая барацьба, спартсменкі па чарзе бралі падачы адна адной. У выніку ўдача была на баку нашай тэнісісткі – 7:5.
Беларускі выйшлі наперад — 3:1. Парная гульня ўжо нічога не вырашае. Беларусь выйшла ў сусветную групу Кубка Федэрацыі, дзе выступае восем наймацнейшых жаночых зборных свету.
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»3
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»
Вайб-праграмаванне зменіць ролю распрацоўшчыка, RLVR, і калі лопне бурбалка. Беларус-інжынер у галіне ШІ, які працуе ў ЗША, расказаў, што нас чакае ў 202633
Каментары