Лукашэнка ў гадавіну Чарнобыльскай трагедыі наведае Гомельскую вобласць
Аляксандр Лукашэнка зробіць сёння рабочую паездку ў Гомельскую вобласць, у ходзе якой азнаёміцца з развіццём раёнаў, пацярпелых ад аварыі на Чарнобыльскай АЭС.
Плануецца, што ў Ельскім раёне кіраўнік дзяржавы наведае адно з сельгаспрадпрыемстваў, дзе яго праінфармуюць аб вытворча-эканамічным развіцці рэгіёну, завяршальным этапе веснавых палявых работ, працы па стварэнні трывалай кармавой базы для забеспячэння інтэнсіўнага развіцця жывёлагадоўлі.
У аграгарадку Дабрынь Аляксандр Лукашэнка азнаёміцца з мерамі, што прымаюцца па стварэнні ўмоў для камфортнага пражывання насельніцтва ў сельскай мясцовасці і раёнах, пацярпелых ад чарнобыльскай аварыі. У цэнтры ўвагі будуць пытанні развіцця сацыяльнай інфраструктуры і добраўпарадкавання, газіфікацыі пацярпелых раёнаў, паведамляе прэс-служба кіраўніка краіны.
Чакаецца, што Лукашэнка таксама азнаёміцца з працай арганізацый Белкаапсаюза ў пытанні гандлёвага ды іншага абслугоўвання насельніцтва, якое пражывае ў чарнобыльскіх раёнах.
Прыканцы запланаваны ўдзел кіраўніка дзяржавы ў фінальным канцэрце дабрачыннага творчага марафона «Адраджэнне», прысвечанага 30-й гадавіне катастрофы на ЧАЭС.
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1313
Каментары