У Паставах вучняў «пераканалі» не здаваць беларускую мову на экзаменах
Гэта адбылося ў Пастаўскай сярэдняй школе №1. Пра гэты факт рэдакцыі «Вестак» паведамілі чытачы нашага сайта з Паставаў.
Афіцыйная прычына – экзамен па роднай мове не ўкладаецца ў графік.
Каб высветліць сітуацыю, мы патэлефанавалі намесніку дырэктара па вучэбнай частцы Наталлі Ярынскай. Наталля Юр’еўна сказала Весткам, што дзяцей ніхто да гэтага не змушаў, яны добраахвотна перайшлі на рускую мову:
— Гэта было абсалютна не так. Адзін чалавек выбраў (экзамен па мове – З.Л.) у адным класе і два чалавекі ў іншым класе. Але паколькі экзамены ў адзін і той жа дзень супадаюць з выпускным вечарам, то мы проста запрасілі іх і сказалі мі: «Вы маеце права, гэта ваш выбар, мы вас не прымушаем, але самі падумайце і скажыце сваё рашэнне, сможаце вы перайсці на рускую мову, гэта не супярэчыць вашым пажаданням? Калі вы згаджаецеся, то напішыце, калі ласка, заяву, і мы будзем пераробліваць расклад». Яны прынеслі заявы, ніхто іх не змушаў, бо ім самім так лепш, каб у іх былі дні на падрыхтоўку.
Наогул, гэту сітуацыю Наталля Ярынская назвала падставай. Яна прапанавала нават апытаць вучняў і бацькоў, маўляў, ніхто нікога не змушаў.
Канешне, завучу можна паверыць, але ёсць некалькі «але». Чамусьці ў такіх сітуацыях амаль заўсёды крайняй апынаецца беларуская мова. Ну і тое, як у нас усё робіцца добраахвотна, тлумачыць нікому не трэба. У нас «па просьбе працоўных» і цэны павышаюць, і пенсійны ўзрост, і суботнікі добраахвотныя праводзяць.
Цяпер чытаюць
Хто такі Мацвей Бяляй, якога нібыта дэпартавалі ў Беларусь? Расказваем гісторыю дзіўнага актывіста з падазроным мінулым2
Каментары