Нацыянальная судовая калегія Іспаніі выдала міжнародны ордар на арышт 12 грамадзян Расіі, рашэнне падпісаў суддзя Хасэ дэ ла Мата, паведамляюць іспанскія СМІ.
У спісе, у прыватнасці, значацца дэпутат Дзярждумы РФ Уладзіслаў Рэзнік і яго жонка Дыяна Гіндзіна, а таксама намеснік кіраўніка Федэральнай службы па кантролі за абаротам наркотыкаў (ФСКН) Мікалай Аулаў і былы намеснік старшыні СК Расіі Ігар Сабалеўскі.
Суддзя Хасэ дэ ла Мата, які расследуе дзейнасць Тамбоўскай і Малышаўскай мафіёзных груповак, якія адмывалі грошы ў Іспаніі, адзначыў, што кожны з тых, каму выстаўленыя абвінавачанні, абвінавачваецца ў цяжкім злачынстве.
У 2008 годзе іспанская паліцыя правяла аперацыю «Тройка», накіраваную супраць дзеючых у краіне Тамбоўскай і Малышаўскай злачынных груповак.
На чале гэтых груповак стаялі Генадзь Пятроў і Аляксандр Малышаў, яны абодва былі арыштаваныя.
Паводле інфармацыі іспанскіх судовых органаў, расійскія чыноўнікі, якія фігуруюць у спісе, мелі цесныя сувязі з гэтымі злачыннымі групоўкамі, аказваючы ім розныя паслугі.
Цяпер чытаюць
На перадсмяротным відэа з калоніі насамрэч быў не Вітольд Ашурак. З'явіліся новыя падрабязнасці смерці палітвязня6
Каментары