У Расіі п'яны ахоўнік растраляў пяцярых байкераў, з якімі меўся святкаваць Дзень Перамогі
Масавае забойства пяцярых байкераў адбылося раніцай 8 мая ў вёсцы Чолахава, што ў Падмаскоўі.
Ахвярамі забойцы, супрацоўніка прыватнага ахоўнага прадпрыемства Іллі Асеева, сталі пяцёра яго знаёмых-байкераў.
Паводле папярэдняй інфармацыі, Асееў прыехаў у вёску разам з матацыклістамі.
Яны павінны былі ўзяць удзел у арганізацыі святкавання Дня Перамогі. Разам з імі былі дзве дзяўчыны, якія ў выніку сталі сведкамі забойства.
Фота забойцы з ягонай старонкі «ВКонтакте»
Ноччу Асееў выпіваў разам са сваімі знаёмымі. Але падчас п'янкі паміж ім і байкерамі адбылася сварка.
Па словах мужчыны, яго пабілі на вачах у дзяўчат і прагналі з намётавага лагера. Будучы нецвярозым, ён вырашыў адпомсціць.
Месца злачынства. Фота расійскай паліцыі
Асееў — дзейны супрацоўнік прыватнага ахоўнага прадпрыемства. Таму ён добра валодае зброяй.
Вярнуўшыся да сваіх таварышаў з карабінам «Сайга», ён пачаў страляць.
Аднаго з байкераў ён забіў ля вогнішча, астатніх — у намётах.
Першага ён таксама дабіў нажом.
Скрываўленыя рэчы і нож Асееў кінуў у вогнішча.
З месца жорсткай расправы ён уцёк на сваёй машыне, якую пазней пакінуў непадалёк у лесапаласе.
У выніку праз некалькі гадзінаў мужчыну затрымалі, ён ужо прызнаўся ў забойствах.
Палітолаг Аліна Харысава пагадзілася супрацоўнічаць з СБУ. Аказалася, гэта было КДБ36
Каментары