Мінінфа: Падзаконныя акты да закона пра маркіроўку інфармацыйнай прадукцыі яшчэ не распрацаваныя
Аляксандр Лукашэнка падпісаў закон, які ўводзіць дадатковыя меры па абароне дзяцей ад інфармацыі, якая можа нанесці шкоду іх здароўю і развіццю. Закон Рэспублікі Беларусь ад 11 траўня 2016 года № 362-З апублікаваны сёння на Нацыянальным прававым інтэрнэт-партале.
У прыватнасці, закон уводзіць маркіроўку інфармацыйнай прадукцыі з указаннем узроставай катэгорыі: «0+» (што азначае без абмежаванняў), «6+» (для асоб, якія дасягнулі шасці гадоў), а таксама катэгорыі «12+», «16+» і «18+».
Пад дзеянне закона падпадуць як публікацыі ў СМІ, так і рэклама, і выдавецкая дзейнасць. Накіраваны закон на абарону дзяцей. Як паведамілі ў Міністэрстве інфармацыі, распрацоўкай закона займалася Міністэрства адукацыі.
Але ж як будзе дзейнічаць новы закон? Трэба будзе маркіраваць кожны артыкул ці выносіць пазнаку ў назву выдання? Ці распаўсюджваецца ён на дзейнасць блогераў? Праўда, у Мініфармацыі падрабязнасці дзеяння новага закону пакуль паведаміць не могуць.
«Так, кантраляваць СМІ будзе Мінінфарм. Але падзаконныя акты яшчэ не распрацаваныя», — паведаміла «Нашай Ніве» Вікторыя Мялешка, начальніца ўпраўлення правой і кадравай работы Мінінфа.
Нагадаем, што закон уступае ў сілу 1 ліпеня 2017 года.
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы41
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1414
Каментары