У Парыжы рака Сена выйшла з берагоў, падняўшыся да 4,37 метра. Улады былі вымушаныя закрыць частку берагоў і павысіць ўзровень небяспекі ў горадзе да «жоўтага» з-за паводак, паведамляе Le Figaro.
Па прагнозах сіноптыкаў, вада ў найбліжэйшыя дні працягне прыбываць. Пік паводкі можа прыйсціся на выходныя, калі ўзровень вады ў Сене дасягне ад 5,10 да 5,70 метраў. Улады адзначаюць, што сітуацыя «не выклікае значнай шкоды, але патрабуе асаблівага назірання».
У выніку паводак па ўсім рэгіёне Іль-дэ-Франс парушаная праца грамадскага транспарту, у тым ліку рэгіянальных цягнікоў.
Паведамляецца, што ў раёне населенага пункта Суп-сюр-Луан французскія ратавальнікі выявілі ў затопленым доме цела 86-гадовай жанчыны.
Жыхары горада заўважылі, што вада ўжо дайшла да ног зуава на мосце Альма, знакамітай статуі, якая служыць у якасці арыенціру для парыжан. Падчас гістарычнай паводкі 1910 года, якая служыць у якасці эталона больш за 100 гадоў, узровень вады дабраўся да плячэй статуі (8,62 метра).
Адзначым, падчас паводкі 2010 года ўзровень вады ў Сене падымаўся да 3,92 метраў.
Паводкі ў Францыі выкліканыя праліўнымі дажджамі, якія працягваюцца ўжо некалькі дзён.
Цяпер чытаюць
«Як толькі чуюць пра Расію — дык усё… У чым праблема?» У Мінску не хочуць здаваць кватэру чалавеку з расійскім пашпартам20
Каментары