Лукашэнка: Андрэй Тур зрабіў многае для ўмацавання мадэлі сацыяльна арыентаванай дзяржавы
Аляксандр Лукашэнка выказаў спачуванне ў сувязі са смерцю былога намесніка кіраўніка Адміністрацыі прэзідэнта, намесніка міністра эканомікі Андрэя Тура, які памёр 31 мая на 63-м годзе жыцця.
Спачуванне зачытаў першы намеснік кіраўніка Адміністрацыі прэзідэнта Канстанцін Мартынецкі 2 чэрвеня на цырымоніі развітання з Андрэем Турам у Беларускім нацыянальным тэхнічным універсітэце (БНТУ), дзе ён працаваў апошні час.
«Андрэй Мікалаевіч прайшоў годны жыццёвы шлях, нязменна праяўляючы сябе як сапраўдны прафесіянал сваёй справы», — гаворыцца ў спачуванні кіраўніка дзяржавы.
Андрэй Тур, адзначыў Лукашэнка, «зрабіў многае для ўмацавання і ўдасканалення нацыянальнай мадэлі сацыяльна арыентаванай дзяржавы». «Высокай ацэнкі заслугоўвае яго навуковая і педагагічная дзейнасць. Андрэй Мікалаевіч унёс прыкметны ўклад у развіццё айчыннай эканомікі і навучанне маладых спецыялістаў», — гаворыцца ў спачуванні.
Кіраўнік дзяржавы ўпэўнены ў тым, што справы Андрэя Тура «стануць прыкладам плённай працы, шчырых адносін да справы, самых высокіх маральных якасцяў».
-
У Беларусі вырашылі не забараняць вэйпы — бо на іх ёсць «пэўны спажывецкі попыт»
-
У Мінску паставілі бронзавы помнік качцы, якая летась стала любіміцай сталіцы
-
Гісторыя ў ЕГУ — гэта гістфак вашай мары. Еўрапейскі дыплом з навучаннем на беларускай мове пры інтэнсіўным вывучэнні англійскай. І поўная свабода
Каментары