Выпускнік гімназіі №1 горада Барысава Мацвей Клюня паказаў выдатны вынік падчас уступнай кампаніі — набраў максімальныя 400 балаў са 400 магчымых. Ён атрымаў па 100 балаў на цэнтралізаваным тэсціраванні па матэматыцы, рускай мове і фізіцы, а таксама меў сярэдні бал атэстата — 10, піша раённая газета «Адзінства».
Мацвей прызнаўся, што сам не чакаў такога выніку, хоць і быў упэўнены ў сваёй падрыхтоўцы. Ён адзначыў, што галоўнае — не дапусціць тэхнічных памылак пры запаўненні бланкаў, бо самі заданні былі для яго простыя.
Сваім равеснікам ён раіць загадзя вызначацца з прадметамі для здачы — яшчэ ў 9—10 класах, каб мець час на якасную падрыхтоўку і не спяшацца ў апошні момант. Ён таксама не рэкамендуе прымаць заспакаяльныя перад экзаменамі: на яго думку, лёгкі стрэс нават дапамагае працаваць мозгу.
Асобна Матвей выказаў удзячнасць сваім настаўнікам па тых прадметах, па якіх здаваў ЦТ.
Пра тое, куды цяпер будзе паступаць, хлопец ці не стаў гаварыць, ці ў яго не пыталіся.
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1414
Каментары