Беларусу, які ваюе за Расію, далі расійскі пашпарт. У Беларусі ён касіў ад войска
33-гадовы беларус Антон Хілько, які паходзіць з Рэчыцкага раёна, атрымаў расійскі пашпарт за ўдзел у вайне на баку Расіі супраць Украіны, піша «Белсат».
Паводле інфармацыі расійскіх СМІ, Хілько спачатку дапамагаў расійскім вайскоўцам як валанцёр — вазіў гуманітарную дапамогу на фронт, за што атрымаў падзякі ад вайсковых камандзіраў і кіраўніцтва Чувашыі. Увесну 2025 года ён падпісаў кантракт з Міністэрствам абароны Расіі і пачаў служыць у войску.
Пры гэтым у мінулым у Беларусі Хілько двойчы судзілі за ўхіленне ад вайсковай службы. У 2011 годзе ён атрымаў спачатку штраф, а потым паўтара года «хіміі» — абмежавання волі без накіравання ў турму. У 2013 годзе ён напісаў у сацсетцы «Аднакласнікі»: «Хутка этап!!!», што можа сведчыць пра накіраванне на адбыццё пакарання.
З 2015 года Антон жыў у расійскіх Чэбаксарах (сталіца Чувашыі) разам з сям’ёй, але расійскае грамадзянства атрымаў толькі цяпер — як узнагароду за падтрымку расійскай арміі. Дарэчы, яго жонка і дзеці ўсё яшчэ застаюцца грамадзянамі Беларусі.
Паводле беларускіх і расійскіх СМІ, у Расіі Антона Хілько таксама шукалі судовыя прыставы праз запазычанасці. Аднак ці адбываў ён за гэта пакаранне, не ўдакладняецца.
Хілько — адзін з прынамсі 71 беларуса, які, паводле падлікаў, мог далучыцца да расійскай арміі як замежны найміт. Усяго ў Маскве з красавіка 2023 па травень 2024 года на вайну з Украінай было завербавана больш за 1500 замежнікаў.
Стала вядома яшчэ пра аднаго беларуса, які ваяваў на баку Расіі і трапіў у палон
У баях на Данбасе ва ўкраінскі палон трапіў 54-гадовы беларус Сяргей
На вайне ва Украіне знік яшчэ адзін беларус, які ваяваў на баку Расіі
Украіна ў межах абмену з Расіяй перадала яшчэ аднаго палоннага беларуса. Раней пра яго палон не паведамлялася
Аліментшчык і рабочы з адміністратыўкай за п'янства. Стала вядома яшчэ пра двух беларусаў, якія ваююць за «рускі свет»
«Жэня ў нас ногі страціў». На парад у Мінск прыехалі вагнераўцы-беларусы — расказваем, хто яны
Украінскі праект «Хачу жыць» назваў імёны больш за 700 беларусаў, якія ваявалі на расійскім баку ПОЎНЫ СПІС
«Мае спінагрызы са мной». Ціханоўская расказала, што ўжо выбірае для дзяцей школу ў Варшаве12
Каментары
Ну, а гэты знайшоў сваё ацечаства, хай за яго і атрымае па заслугах, як усе акупанты.