Адміністрацыя Трампа закрыла сакрэтную працоўную групу, закліканую схіліць Расію да мірнага пагаднення
У апошнія тыдні адміністрацыя Трампа спыніла працу міжведамаснай рабочай групы, створанай для выпрацоўкі стратэгіі ціску на РФ з мэтай паскарэння мірных перамоваў. Пра гэта піша Reuters са спасылкай на трох амерыканскіх чыноўнікаў.
Пра існаванне такой рабочай групы раней не паведамлялася, звяртае ўвагу агенцтва. Сцвярджаецца, што яна была створаная ў сакавіку ці красавіку, калі дарадцы Дональда Трампа ўсё больш скептычна пачалі ставіцца да гатоўнасці Крамля дасягнуць пагаднення, а «рыторыка Трампа давала падставы меркаваць, што ён можа быць зацікаўлены ў змене сваёй падатлівай пазіцыі ў дачыненні да Пуціна».
Па словах чыноўнікаў, у групе, у прыватнасці, абмяркоўвалі варыянты, як ЗША маглі б аказаць ціск на былыя савецкія рэспублікі і іншыя краіны, каб абмежаваць паток тавараў і энерганосьбітаў у РФ і з яе.
Суразмоўцы Reuters кажуць, што праца, распачатая вясной, была спыненая ў маі, бо ўдзельнікам групы стала ясна, што «Трамп не зацікаўлены ў больш канфрантацыйнай пазіцыі ў дачыненні да Масквы».
Цяпер чытаюць
«Або мы цябе згвалцім, або ты паголіш бараду разам з галавой». Лахвіч расказаў, што з ім адбылося26
«Або мы цябе згвалцім, або ты паголіш бараду разам з галавой». Лахвіч расказаў, што з ім адбылося
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі99
Каментары
Кожная сустрэча са смі каля прыбіральні то да то пасля ...