У Мінску Фрунзенскім раённым аддзелам Следчага камітэта распачата крымінальная справа ў дачыненні да 34-гадовага мінчука, які падазраецца ў махінацыях у сферы будаўніцтва.
Як паведамілі ў СК Беларусі, выяўлена, што за два гады мужчына ашуканскім шляхам завалодаў грашыма чатырох грамадзян на суму больш як 860 мільёнаў рублёў. Падман заключаўся ў абяцанні паспрыяць у заключэнні дагавораў на льготнае будаўніцтва жылых памяшканняў і выдзяленні зямельных участкаў у Мінскім раёне. Аднак магчымасці выканаць узятыя на сябе абавязацельствы ў падазраванага не было.
Падазраваны затрыманы. Распачатая крымінальная справа па ч. 4 арт. 209 КК (махлярства, здзейсненае ў асабліва буйным памеры).
Улічваючы цяжар здзейсненага злачынства, следства мае намер хадайнічаць перад пракурорам пра ўжыванне да затрыманага меры стрымання ў выглядзе заключэння пад варту.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»26
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары