У Гомелі спешна наводзяць марафет да прыезду Лукашэнкі: асфальт у цэнтры памянялі за адну ноч ФОТА
Увесь гэты працоўны тыдзень цэнтр Гомеля жыве ў асаблівым рэжыме: змененыя маршруты руху грамадскага транспарту, перакрываецца рух, задзейнічаныя дзясяткі адзінак тэхнікі і людзей.
Небывалы ажыятаж па навядзенні парадку ў цэнтры горада яго жыхары звязваюць з планаваным прыездам у абласны цэнтр Аляксандра Лукашэнкі.
На вуліцы Савецкай быў зняты стары і аператыўна выкладзены новы асфальт. Цяжкая тэхніка працавала і ўдзень, і ўначы. У ноч з 9 на 10 чэрвеня быў закрыты праезд па вуліцы Хатаевіча — там таксама мянялі пакрыццё. Вечарам 7 чэрвеня вуліцу Савецкую ад плошчы Паўстання да ГДУ імя. Ф.Скарыны перакрылі і за ноч памянялі асфальт.
Цяпер вядуцца аўральныя працы на праспекце Перамогі. Працуюць шэсць аўтакранаў — на афарбоўцы фасадаў дамоў. Тут жа дзясяткі дворнікаў уручную выскубаюць траву, парослую паміж тратуарнай пліткай. Вядуцца і іншыя работы па добраўпарадкаванні, аж да афарбоўкі ў некаторых дамах аконных рам. На праезную частку нанесеная новая разметка.
У 2015 годзе жыхары Гомеля на пытанні аб асфальтаванні вуліц атрымлівалі адмоўны адказ ад мясцовых уладаў з фармулёўкай: «Няма сродкаў».
Цяпер чытаюць
Цапкала і Балкунец атакавалі літоўскага палітыка, які дапамагаў беларусам пасля 2020‑га і спрычыніўся да справы, якую завёў пракурор у Гаазе36
Каментары