Расійскія фанаты ў Францыі, якія падлягаюць дэпартацыі, павінны падпарадкавацца патрабаванням мясцовых уладаў, заявіў кіраўнік Расійскага футбольнага саюза Віталь Мутко. Паводле яго слоў, пакуль заўзятары «паводзяць сябе досыць самастойна»
«Ва ўладаў Францыі ёсць свае патрабаванні, трэба падпарадкоўвацца патрабаванням уладаў, і тады будзе ўсё нармальна», — заявіў міністр.
Мутко растлумачыў, што пасля аналізу падзей у Марсэлі некаторых з ліку расійскіх заўзятараў ідэнтыфікавалі як завадатараў беспарадкаў. Паводле яго слоў, улады прынялі рашэнне аб дэпартацыі гэтых людзей, але яны «не выходзяць з аўтобуса і не жадаюць выконваць іх патрабаванні».
«На месца едзе консул, ён павінен паспець прыехаць. Як консул прыедзе, ён дапаможа іх вывесці з аўтобуса», — распавёў кіраўнік РФС і адзначыў, што пакуль заўзятары «паводзяць сябе досыць самастойна».
«Ідзе дыялог, мы працуем», — сказаў на заканчэнне Мутко.
***
Французскія праваахоўнікі ў гатэлі ў Мандэлье-ла-Напуль пад Марсэлем правяраюць асобы 29 расіянаў і ўжо прынялі рашэнне аб дэпартацыі некалькіх з іх, паведаміла агенцтва Bloomberg са спасылкай на AFP, якое ў сваю чаргу спасылаецца на мясцовыя ўлады. Дакладная колькасць расіянаў, якія падлягаюць дэпартацыі, не ўдакладняецца. Як адзначае агенцтва, іх падазраюць у тым, што яны ўяўляюць пагрозу грамадскаму парадку.
Каментары