Больш за 100 нобелеўскіх лаўрэатаў выступілі ў абарону ГМА
Больш за 100 нобелеўскіх лаўрэатаў падпісалі зварот да прыродаахоўнай арганізацыі Greenpeace, ААН і ўрадаў усіх краін свету з заклікам перагледзець негатыўнае стаўленне да генетычна мадыфікаваных прадуктаў.
Кампанія была пачатая па ініцыятыве брытанскага біяхіміка і малекулярнага біёлага Рычарда Робертса, ганараванага ў 1993 годзе Нобелеўскай прэміяй па фізіялогіі і медыцыне.
У звароце гаворыцца, што навука не ведае ніводнага пацверджанага прыкладу негатыўнага ўздзеяння трансгенных прадуктаў на здароўе чалавека і жывёл. Рэгулюючыя органы прызнаюць такія прадукты бяспечнымі. Тым не менш, Greenpeace і іншыя праціўнікі ГМА адмаўляюцца прызнаць вынікі даследаванняў.
Асобна ў звароце навукоўцаў згадваецца кампанія супраць «Залатога рысу», у якім метадамі геннай інжынерыі атрымалася павялічыць сінтэз бэта-каратыну. Такі рыс, перш за ўсё, прызначаецца жыхарам краін, што развіваюцца, якія пакутуюць ад захворванняў, выкліканых недахопам вітаміну А. Па словах навукоўцаў, дэфіцыт вітаміна А выклікае ад аднаго да двух мільёнаў смерцяў у год, якіх можна было б пазбегнуць.
У спісе навукоўцаў, якія падпісалі зварот, — нобелеўскі лаўрэат па фізіцы, дэпутат Дзярждумы РФ Жарэс Алфёраў. У 2015 годзе ён галасаваў у першым чытанні за законапраект аб забароне вырошчвання і развядзення генетычна мадыфікаваных раслін і жывёл. Пры разглядзе законапраекта ў другім і трэцім чытаннях Алфёраў не галасаваў.
«Мы заклікаем урады ўсіх краін свету адкінуць кампанію Greenpeace супраць «Залатога рысу» у прыватнасці, а таксама супраць прадуктаў і кармоў, створаных з дапамогай біятэхналогій, у цэлым <…> Колькі яшчэ бедных людзей па ўсім свеце павінны памерці, перш чым мы прызнаем гэта злачынствам супраць чалавечнасці?» — сказана ў звароце.
-
Кітайская кампанія прэзентавала першага поўнапамернага робата-гуманоіда, які адчувае дотык і бегае марафоны
-
Кампанія OpenAI прыняла рашэнне канчаткова адключыць сваю папулярную мадэль штучнага інтэлекту ChatGPT-4o
-
Канец эпохі цалкам бясплатнага ШІ? У ChatGPT з'яўляецца рэклама, і вось як яна будзе выглядаць
Цяпер чытаюць
Лукашэнка пераабуўся: Позна ўвечары Мінск пагрузілі ў цемру. Навошта? Я ж ад вас гэтага не патрабаваў20
Каментары