Bolš za 100 nobieleŭskich łaŭreataŭ vystupili ŭ abaronu HMA
Bolš za 100 nobieleŭskich łaŭreataŭ padpisali zvarot da pryrodaachoŭnaj arhanizacyi Greenpeace, AAN i ŭradaŭ usich krain śvietu z zaklikam pierahledzieć niehatyŭnaje staŭleńnie da hienietyčna madyfikavanych praduktaŭ.
Kampanija była pačataja pa inicyjatyvie brytanskaha bijachimika i malekularnaha bijołaha Ryčarda Robiertsa, hanaravanaha ŭ 1993 hodzie Nobieleŭskaj premijaj pa fizijałohii i miedycynie.
U zvarocie havorycca, što navuka nie viedaje nivodnaha paćvierdžanaha prykładu niehatyŭnaha ŭździejańnia transhiennych praduktaŭ na zdaroŭje čałavieka i žyvioł. Rehulujučyja orhany pryznajuć takija pradukty biaśpiečnymi. Tym nie mienš, Greenpeace i inšyja praciŭniki HMA admaŭlajucca pryznać vyniki daśledavańniaŭ.
Asobna ŭ zvarocie navukoŭcaŭ zhadvajecca kampanija suprać «Załatoha rysu», u jakim mietadami hiennaj inžynieryi atrymałasia pavialičyć sintez beta-karatynu. Taki rys, pierš za ŭsio, pryznačajecca žycharam krain, što raźvivajucca, jakija pakutujuć ad zachvorvańniaŭ, vyklikanych niedachopam vitaminu A. Pa słovach navukoŭcaŭ, deficyt vitamina A vyklikaje ad adnaho da dvuch miljonaŭ śmierciaŭ u hod, jakich možna było b paźbiehnuć.
U śpisie navukoŭcaŭ, jakija padpisali zvarot, — nobieleŭski łaŭreat pa fizicy, deputat Dziarždumy RF Žares Ałfioraŭ. U 2015 hodzie jon hałasavaŭ u pieršym čytańni za zakonaprajekt ab zabaronie vyroščvańnia i raźviadzieńnia hienietyčna madyfikavanych raślin i žyvioł. Pry razhladzie zakonaprajekta ŭ druhim i trecim čytańniach Ałfioraŭ nie hałasavaŭ.
«My zaklikajem urady ŭsich krain śvietu adkinuć kampaniju Greenpeace suprać «Załatoha rysu» u pryvatnaści, a taksama suprać praduktaŭ i karmoŭ, stvoranych z dapamohaj bijatechnałohij, u cełym <…> Kolki jašče biednych ludziej pa ŭsim śviecie pavinny pamierci, pierš čym my pryznajem heta złačynstvam suprać čałaviečnaści?» — skazana ŭ zvarocie.
SK nazvaŭ imiony tych, chto skinuŭ vybuchoŭku na bazu AMAPa ŭ Minsku ŭ 2021 hodzie9
Kamientary