У Палацы Рэспублікі пракаментавалі прыезд расійскага прапагандыста Уладзіміра Салаўёва
На днях стала вядома, што ў лістападзе ў Мінск плануе прыехаць расійскі тэлевядучы і прапагандыст Уладзімір Салаўёў.
Ягоны «творчы вечар» мае адбыцца ў вялікай зале Палаца Рэспублікі.
Вось як патлумачыў нам прыезд адыёзнага вядучага намеснік дырэктара Палаца Рэспублікі Юрый Навумовіч.
«Ведаеце, калі шукаць негатыўныя моманты, то іх можна знайсці ў любым чалавеку, — сказаў Юрый. — Прапагандыст… Ну нармальная праграма ў яго, з якой прыязджае, як артыст, як творчы чалавек. Ён жа ж і на экране працуе, расійскае тэлебачанне яго паказвае. Калі ж у словах будзе крамола… Мы пакуль толькі ўяўляць можам, будзе яна ці не. Давайце прымаць непрыемнасці па меры паступлення. Да нас неяк прыязджаў «Рамштайн», і таксама казалі, што гэта гурт, які вельмі прапагандуе там рознае… Прыехалі, і ўсё было ў межах дазволенага».
На пытанне, хто выступіў ініцыятарам «творчага вечара», Юрый адказаў так: «Мы знайшлі артыста, які прыязджае да нас і працуе. Хто можа яго забараніць?».
«Нам будзе вельмі прыемна, калі вы прыйдзеце і набудзеце квіток», — скончыў размову Юрый.
Цяпер чытаюць
Калеснікава: Лукашэнка можа пайсці на спыненне рэпрэсій дзеля будучыні і «з нейкай мудрасці»37
Каментары