УЕФА прызнаў французскага форварда Антуана Грызмана найлепшым футбалістам чэмпіянату Еўропы.
Грызман забіў на турніры шэсць галоў і аддаў дзве выніковыя перадачы. У прыватнасці, ён забіў абодва галы ў вароты зборнай Германіі ў паўфінале, які завяршыўся перамогай французаў 2:0.
УЕФА таксама склаў сімвалічную зборную чэмпіянату, у якую трапілі чацвёра партугальцаў, трое немцаў і па два футбалісты з Францыі і Уэльса. У камандзе не аказалася ніводнага гульца зборнай Ісландыі, якая стала адкрыццём чэмпіянату: ісландцы прабіліся ў 1/4 фіналу, абыграўшы ангельцаў.
У сімвалічную зборную ўключаны Руй Патрысіу, Джошуа Кіміт, Джэром Баатэнг, Пепе, Рафаэль Герэйра, Тоні Кроос, Джо Ален, Антуан Грызман, Аарон Рэмсі, Дзімітры Пает і Крышціяну Раналду.
Перамогу на чэмпіянаце Еўропы па футболе атрымала зборная Партугаліі. У фінале яна ў дадатковы час абыграла французаў з лікам 1:0.
Цяпер чытаюць
Жалезная заслона ў дзеянні: як зменшылася колькасць перасячэнняў мяжы Беларусі і Еўрасаюза за апошнія гады27
Каментары