Пентагон паспрабуе вырабіць бронекамізэлькі з павуціння
Павуцінне — адзін з найбольш трывалых матэрыялаў у прыродзе, які набліжаецца па гэтым параметры да кеўлара, аднак адрозніваецца значна большай гнуткасцю.
У сувязі з гэтым кампанія Kraig Biocraft паспрабуе выпрабаваць па замове Сухапутных войск ЗША так званы «павуцінны шоўк» - матэрыял, атрыманы ад генетычна мадыфікаваных шаўкапрадаў з часткай ДНК павукоў, піша defenseone.com
Армія ЗША выдала Kraig Biocraft грант у $100 000 на праверку новага матэрыяла.
«Мы зробім некалькі розных варыянтаў матэрыяла па шчыльнасці, таўшчыні і спосабу перапляцення валакна, якія будуць выпрабаваны стандартнымі метадамі», — сказаў выканаўчы дырэктар кампаніі Джон Райс.
Калі выпрабаванні будуць паспяховымі, кантракт павялічыцца да $1 000 000.
Райс не чакае, што шоўк з павуціння наўпрост заменіць кеўлар — кеўлар на 30% больш трывалы.
«Аднак кеўлар мае эластычнаць 3%, а нашы матэрыялы — 30-40», — адзначае Райс.
Цяпер чытаюць
Малодшы сын Сахашчыка абвешчаны зніклым без вестак. Выглядае, ён ваяваў за Расію99
Малодшы сын Сахашчыка абвешчаны зніклым без вестак. Выглядае, ён ваяваў за Расію
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы55
Каментары