Расія мае намер паэтапна адмяняць абмежавальныя меры ў дачыненні да турэцкіх кампаній, а аднаўленне чартарных авіязносін з Анкарой — «справа тэхнікі і бліжэйшага часу», заявіў прэзідэнт Расіі Уладзімір Пуцін на сумеснай прэс-канферэнцыі з турэцкім лідарам Рэджэпам Таіпам Эрдаганам.
Шырокі спіс эканамічных і візавых санкцый у дачыненні да Турцыі быў уведзены Масквой у лістападзе 2015 года, пасля таго як турэцкі знішчальнік збіў у раёне сірыйска-турэцкай мяжы расійскі бамбавік Су-24.
Сустрэча Пуціна і Эрдагана ў Канстанцінаўскім палацы пад Пецярбургам стала першай пасля таго інцыдэнту. Ёй папярэднічалі фармальныя прабачэнні, прынесеныя турэцкім прэзідэнтам за збіты самалёт. Расія стала першай краінай, якую Эрдаган наведаў пасля спробы ваеннага перавароту ў Турцыі.
Па выніках перамоваў Пуцін і Эрдаган заявілі пра гатоўнасць аднавіць адносіны ў поўным аб'ёме. «Па тых пытаннях, якія не патрабуюць доўгага ўзгаднення паміж ведамствамі, мы зробім гэта ў бліжэйшыя тыдні», — сказаў Пуцін.
Гаворачы пра сітуацыю вакол Сірыі, Пуцін адзначыў, што погляды расійскага і турэцкага кіраўніцтва на ўрэгуляванне сітуацыі ў гэтай краіне «не заўсёды супадалі», але, як ён сказаў, «мы сёння пашукаем рашэнне на сустрэчы з удзелам прадстаўнікоў спецслужб».
Пуцін таксама паведаміў, што турэцкае кіраўніцтва прыняло палітычныя рашэнні па праектах будаўніцтва АЭС «Акую» і газаправода «Турэцкі паток».
У адказ Эрдаган, як і перад пачаткам сустрэчы, назваў Пуціна «дарагім сябрам» і пацвердзіў гатоўнасць надаць статус стратэгічнай інвестыцыі праекту АЭС «Акую», а таксама забяспечыць пастаўкі газу ў Еўропу праз «Турэцкі паток».
Цяпер чытаюць
Стаў вядомы дакладны адрас, па якім жыве Анжаліка Мельнікава ў Мінску44
Каментары