Зборныя Францыі і Румыніі разыгралі пакуль самы нецікавы матч на чэмпіянаце Эўропы.
У панядзелак на чэмпіянаце Эўропы стартавалі гульні ў групе «С», якую многія ўжо пасьпелі ахрысьціць групай сьмерці. Мяркуеце самі, у квартэце каманд дзейсныя чэмпіёны сьвету італьянцы, пераможцы кантынэнтальнага першынства 2000 году французы, адны з галоўных прэтэндэнтаў на золата сёлета галяндцы, а таксама баявітыя румыны.
Адкрывалі групавы турнір французы і румыны. Сьмела можна казаць, што пакуль гэта самы нецікавы матч на чэмпіянаце. Ад самага пачатку асьцярожныя румыны засушылі гульню зорнага францускага легіёну, не даючы ім ні шанцу ў атацы. Самі нашчадкі графа Дракулы ў стварэньні атак таксама не выдзяляліся.
За ўсю сустрэчу зборныя добра калі стварылі парачку паўмомантаў, а да рэальных пагроз справа так і не дайшла. Каманды гулялі пры пастаянным сьвісьце трыбунаў. Як вынік, сумная нічыя – 0:0.
Калі румыны яшчэ могуць часткова задаволеныя такім лікам, то французам, натуральна, дастанецца на арэхі ад тамтэйшай прэсы.
А 21:45 працяг гульнявога дня: Галяндыя – Італія.
Цяпер чытаюць
Памятаеце Таццяну Зарэцкую, якая са скандалам звальнялася з Кабінета Ціханоўскай? У Эстоніі яе падазраюць у махлярстве42
Каментары