Армія сірыйскага прэзідэнта Башара Асада адбіла ў паўстанцаў стратэгічна важны раён горада Алепа — Рамус, які яна страціла ў мінулым месяцы. Пра гэта са спасылкай на агенцтва Reuters, сірыйскія дзяржаўныя медыя і Сірыйскі цэнтр маніторынгу за выкананнем правоў чалавека, піша DW.com.
Армія рэжыму мае намер працягнуць наступ на паўстанцаў у паўднёвай частцы Алепа, каб выцесніць іх адтуль.
У выпадку, калі армія Асада разаўе свой поспех у Рамусе, гэта звядзе на нішто амаль усе дасягненні паўстанцаў падчас наступу, які доўжыўся апошні месяц і ў выніку якога была знятая блакада з кантраляваных паўстанцамі ўсходніх раёнаў горада. Таксама, такім чынам, сілы рэжыму Асада палегчаць доступ з поўдня да кантраляваных імі заходніх раёнаў горада.
Аднак, як сцвярджае крыніца ў шэрагах паўстанцаў, яны дагэтуль утрымліваюць кантроль над часткай Рамуса, і, нягледзячы на мабілізацыю сіл арміяй Асада, кааліцыя дагэтуль вядзе барацьбу на поўдні Алепа.
У пачатку жніўня 2016 наступ паўстанцаў на поўдні Алепа дазволіў ім завалодаць раёнам Рамус, што адкрыла калідор частцы горада, кантраляванай паўстанцамі, якая на працягу некалькіх тыдняў знаходзілася ў блакадзе.
Былы беларускі міліцыянер шукае «пародзістую прыгажуню». Называе сябе мільянерам, а сам судзіцца з былой жонкай за аліменты21
Каментары