На чарговыя тэледэбаты кандыдат ад БНФ прыйшоў не з «куляй для прэзідэнта», а з «наездам» на калег па апазіцыі.
Беларусь павінна выйсці з усіх саюзаў, усталяваць мяжу з Расіяй і далучыцца да NATA — з такой радыкальнай заявай падчас тэледэбатаў выступіў прадстаўнік Партыі БНФ Уладзімір Падгол, які ўжо стаў інтэрнэт-героем пасля эксцэнтрычнага выступу на БТ у танкісцкім шлеме, бронекамізэльцы і з «куляй для прэзідэнта».
На дэбаты аб знешняй палітыцы, арганізаваныя незалежнымі медыя (каналам «Белсат», сайтам Naviny.by і Еўрарадыё) Падгол апрануўся афіцыйна, але абрынуўся з крытыкай не толькі на ўлады, але і на калег па апазіцыі.
Лідар «Справядлівага свету» Сяргей Калякін і кіраўнік кампаніі «Гавары праўду» Андрэй Дзмітрыеў не пагадзіліся з прадстаўніком БНФ у пытанні выхаду Беларусі з розных саюзаў, а сацыял-дэмакратка Ганна Канюс дапусціла, што вайсковая пагроза нашай краіне можа пагражаць… з Захаду.
Калякін, адказваючы на пытанне Юрася Губарэвіча з «Руху за Свабоду» пра тое, чый Крым шчыра прызнаўся, што «дэ-юрэ паўвостраў расійскі», а беларускія ўлады правільна сябе паводзілі ў пытанні ўрэгулявання ўкраінскага канфлікту.
«Калякін — частковы прыхільнік Лукашэнкі», — парыраваў Падгол.
З кім павінна сябраваць Беларусь, у якія саюзы нам трэба ўваходзіць, а з якіх неабходна тэрмінова выйсці, чаму пытанні знешняй палітыкі раз’ядноўваюць апазіцыю — у чарговых тэледэбатах кандыдатаў у дэпутаты Палаты прадстаўнікоў.
Цяпер чытаюць
Хто такі Мацвей Бяляй, якога нібыта дэпартавалі ў Беларусь? Расказваем гісторыю дзіўнага актывіста з падазроным мінулым2
Каментары