Крымінальны пераслед пагражае пенсіянеру з Лунінецкага раёна за ўлоў 46 шчупакоў, паведамілі ў прэс-службе Дзяржаўнай інспекцыі аховы жывёльнага і расліннага свету пры Прэзідэнце Беларусі.
«На вадасховішчы Велута ў Лунінецкім раёне пенсіянер з вёскі Лушча з дапамогай 68 донных вудаў вылавіў 46 шчупакоў агульнай вагой 16 кг. Паколькі сума нанесенай шкоды даволі буйная - Br2,9 тыс. — рыбака чакае крымінальны пераслед», - адзначылі ў прэс-службе.
У Дзяржінспекцыі растлумачылі, што нягледзячы на тое, што донкі пры аматарскім рыбалоўстве не забаронены, агульная колькасць кручкоў, якія выкарыстоўваюцца адначасова, не можа быць больш за пяць, максімум — дзесяць, калі рыбалоў з'яўляецца членам Беларускага таварыства паляўнічых і рыбаловаў.
«Незаконнасць сваіх дзеянняў рыбак ўсведамляў: пры затрыманні ён паспрабаваў збегчы ад дзяржінспектараў Мікашэвіцкай МРІ на аўтамабілі. Пагоня была нядоўгай - парушальнік пашкодзіў два колы і з'ехаў у кювет. Выскачыўшы з машыны, ён выкінуў мех з рыбай. Усё гэта зафіксавалі супрацоўнікі інспекцыі», - распавялі ў прэс-службе.
Цяпер чытаюць
Міністр сувязі: Абмежаванні мабільнага інтэрнэту закрануць 1,7 мільёна беларусаў9
Каментары