У верасні супрацоўніца аднаго з аддзяленняў «Ідэя Банк» атрымала цікавы досвед.
Як распавёў загадчык аддзялення Руслан Каржоў, жанчына з сынам звярнулася ў банк, каб памяняць на валюту тры пакеты манет — агулам 350 рублёў.
Па чарзе, якая назірала ўвесь гэты працэс, пракаціўся шэпт: «Ну, да вечара цяпер будзем чакаць».
«Грошы былі наміналам 50 капеек, рубель і два рублі. У кожным пакеце дзесьці па сто манет. Супрацоўніца, якая абслугоўвала кліентаў, натуральна, спачатку здзівілася і крыху разгубілася. Але хутка зарыентавалася і справілася літаральна за пяць хвілін», — распавёў Руслан Каржоў.
Спецыяльнага абсталявання для пераліку манет няма, робіцца гэта ўручную, але, як высветлілася, не займае шмат часу.
Для маладзечанскага аддзялення «Ідэя Банк» гэта першы падобны досвед, хоць складаныя аперацыі з грашыма праводзяць часта. Тут жа асаблівасць была якраз у вялікай колькасці манет.
Цяпер чытаюць
«Рэтранслятары выключыць, зняць і паказаць нам, што яны знятыя». Зяленскі патлумачыў, чаму паставіў ультыматум і што мае зрабіць Мінск23
Каментары