Зборная Кюрасаа не саступіла Эквадору дзякуючы фенаменальнай гульні свайго брамніка
37‑гадовы брамнік зборнай Кюрасаа Элой Ром, які цяпер выступае за амерыканскі клуб «Маямі», стаў галоўным героем матча чэмпіянату свету-2026 супраць Эквадора. Дзякуючы яго выдатнай гульні дэбютанты турніру здолелі здабыць гістарычны першы бал, згуляўшы ўнічыю — 0:0.
Эквадор у гэтым матчы цалкам дамінаваў на полі: валодаў мячом 75% часу, выканаў 642 перадачы і стварыў момантаў на 3,05 чаканага гола (xG). Аднак прабіць Рома ён так і не змог.
За матч галкіпер зрабіў 15 сэйваў — гэта адзін з найлепшых паказчыкаў у гісторыі чэмпіянатаў свету. Для параўнання, рэкорд належыць амерыканскаму брамніку Ціму Ховарду, які ў 2014 годзе здзейсніў 16 сэйваў у матчы супраць Бельгіі за 120 хвілін гульні. Ром жа амаль паўтарыў гэтае дасягненне за 90 хвілін асноўнага часу.
Ужо на трэцяй хвіліне ён выратаваў каманду пасля небяспечнага ўдару Энэра Валенсіі. Напрыканцы першага тайма Ром адбіў моцны стрэл Джона Ебаа, а ў другім тайме не дазволіў забіць Гансала Плаце і зноў выратаваў вароты пасля ўдару Валенсіі амаль з двух метраў.
Акрамя сэйваў, Рум кіраваў абаронай Кюрасаа, якая дзейнічала па схеме 5-4‑1 і здолела вытрымаць пастаянны ціск саперніка.
Дзякуючы гэтай нічыёй Кюрасаа набраў першае ачко ў сваёй гісторыі на чэмпіянаце свету і нават захаваў пэўныя шанцы на выхад у плэй-оф. Элой Ром быў прызнаны найлепшым гульцом матча.
Матч 2‑га тура ў гэтай самай групе Е паміж зборнымі Германіі і Кот-д’Івуара завяршыўся перамогай немцаў з лікам 2:1. Паколькі ў першым матчы Германія разграміла Кюрасаа з лікам 7:1, яна ўжо забяспечыла сабе выхад у плэй-оф. На другім месцы ў групе — Кот д'Івуар з трыма ачкамі, у Эквадора і Кюрасаа па адным.
Цяпер чытаюць
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?2
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары